图片与本文内容无关
我本身有 degree, 而我bf 系 IVE grad. (cert)。
呢个真系 not a problem, 因为有好多人读书唔多都好勤力上进好叻。
即使唔系有d 咩成就, 有份正正当当o既工够食够着都已经可以。
但系我 bf 同我讲, 佢打算申请公屋(只用佢个名) + 申请综援 + 做散工。其实申请公屋都唔系问题, 我都好agree, 因为拎供楼d 钱去做其他野, e.g. 买stock ... 真系生活压力冇咁大, 冇咁困身。
但佢得果 30 岁, 年青力壮, 又唔系文盲, 竟然打算拎综援, 就真系几难接受。我好坦白咁同佢讲, 如果我系你, 我会抬唔起头做人。
但系佢话冇咩问题, 拎着数最重要
佢平时都对我好好架, 唔嫖唔赌唔烟唔酒, 有时买下d小礼物俾我, 仲成日煮野俾我食。
但系, 坦白讲, 一个男人如果冇左向上果种冲劲, 根本... 衰d 讲... 少左好多吸引力...
而且佢仲要系好似一 pat 泥咁, 只系顾住玩。
佢仲要话想同我结婚。
我对佢, 唔可以话好爱, 不过就有好深厚o既"感情"。
同佢一齐都几开心, 因为佢个人冇咩烦恼, 好乐天, 但系有时太乐天, 有好多野同佢沟通唔到, 佢一d 忧患意识都冇。
而且我好惊我将来要一个人担起头家, 真系好唔想。
烦就烦左, 除左佢之外, 我已经唔想再识过第二个喇。
因为曾经被人 hurt 得好深...
所以我打算一系就嫁佢, 一系就直情唔嫁...
大家有咩意见呢 ?
